लिंबे जळगाव: येथील जिल्हा परिषद प्राथमिक शाळेत आज, दिनांक १७ जानेवारी २०२६ रोजी ‘बाल आनंद मेळावा’ मोठ्या उत्साहात पार पडला. विद्यार्थ्यांच्या कलागुणांना वाव मिळावा, त्यांच्यात सभाधीटपणा यावा आणि त्यांना व्यावहारिक ज्ञानाचे धडे मिळावेत, या उद्देशाने या मेळाव्याचे आयोजन करण्यात आले होते.

या कार्यक्रमाप्रसंगी शालेय समितीचे अध्यक्ष आदिल भाई पठाण आणि लिंबे जळगावचे सरपंच नवनाथ वैद्य यांची प्रमुख उपस्थिती होती. तसेच शाळेतील शिक्षकवृंद, विद्यार्थी, पालकवर्ग आणि गावातील प्रतिष्ठित नागरिक मोठ्या संख्येने उपस्थित होते.

विद्यार्थ्यांनी थाटले खाद्यपदार्थांचे स्टॉल्स

मेळाव्याचे मुख्य आकर्षण म्हणजे विद्यार्थ्यांनी स्वतः बनवलेल्या आणि विक्रीसाठी आणलेल्या विविध खाद्यपदार्थांचे स्टॉल्स. विद्यार्थ्यांनी अतिशय कल्पकतेने आपल्या दुकानांची मांडणी केली होती. उपस्थित मान्यवर, पालक आणि ग्रामस्थांनी मुलांनी तयार केलेल्या पदार्थांची चव घेत त्यांच्या कष्टाचे कौतुक केले. या खरेदी-विक्रीतून विद्यार्थ्यांनी गणितासोबतच व्यवहाराचे प्रत्यक्ष शिक्षण घेतले.

उपस्थित मान्यवरांनी विद्यार्थ्यांचे कौतुक करताना सांगितले की, "अशा उपक्रमांमुळे मुलांमध्ये आत्मविश्वास, सर्जनशीलता आणि सामाजिक कौशल्यांचा विकास होतो." विद्यार्थ्यांनी आणि शिक्षकांनी केलेल्या या कल्पक आयोजनाबद्दल शाळा व्यवस्थापन समिती आणि ग्रामस्थांनी समाधान व्यक्त केले. कार्यक्रमाच्या यशस्वीतेसाठी शाळेच्या मुख्याध्यापकांसह सर्व शिक्षकांनी परिश्रम घेतले.

न्यूज़ पेपर, टीवी व डिजिटल मीडिया वर बातमी व जाहिरात देण्यासाठी संपर्क करा. 9834985191. आपले हक्क आणि समस्यांच्या निराकरणासाठी आपल्या पंचक्रोशीतील मीडिया शी संपर्क करा, स्थानिक पातळीवर काम करणाऱ्या पत्रकारांना प्रोत्साहन द्या. तरच भ्रष्टाचार संपेल आणि भरभराटीचे दिवस येतील.

 ब्रेकिंग न्यूज, सरकारी व खासगी जॉब अपडेट, सरकारी योजना व इतर महत्त्वपूर्ण माहिती तुमच्या मित्र परिवारातील लोकांना मिळण्यासाठी आमचा 9834985191 हा नंबर तुमच्या गावातील व् इतर् WhatsApp गृपमध्ये ॲड करा.