छत्रपती संभाजीनगर, दि. ३ डिसेंबर २०२५  

महाराष्ट्रातील प्राथमिक शिक्षकांच्या विविध संघटनांनी एकत्र येऊन येत्या ५ डिसेंबर २०२५ रोजी राज्यभर ‘सामूहिक रजा व शाळा बंद’ आंदोलन पुकारले आहे. छत्रपती संभाजीनगर जिल्ह्यातील सर्व जिल्हा परिषद प्राथमिक शाळा या दिवशी पूर्णपणे बंद राहणार असून, शिक्षक रजा घेऊन आंदोलनात सहभागी होणार आहेत.

 आंदोलनाचे प्रमुख कारणे

शिक्षक संघटनांनी मांडलेल्या मागण्यांनुसार सध्या शिक्षकांवर शैक्षणिक कामापेक्षा प्रशासकीय व ऑनलाइन कामाचा अतिरिक्त बोजा वाढला आहे. यात मुख्य मुद्दे असे आहेत:

- संचमान्यता (शिक्षक-विद्यार्थी प्रमाण) रखडलेली आहे.

- टीईटी उत्तीर्ण शिक्षकांना नियुक्ती मिळत नाही.

- सततचे ऑनलाइन काम, विविध लिंक्स, अहवाल भरणे.

- अनेक खात्यांकडून (शिक्षण, महिला-बाल, आरोग्य, ग्रामविकास आदी) येणारे विविध उपक्रम व सर्व्हे.

- या सर्व गोष्टींमुळे शिक्षकांना प्रत्यक्ष अध्यापनासाठी वेळच मिळेनासा झाला आहे.

#Ad | स्पॉन्सर्ड

ही जाहिरात आहे | Sponsored by RightPost | IT Rules 2021 अनुपालन

#Ad | स्पॉन्सर्ड

ही जाहिरात आहे | Sponsored by RightPost | IT Rules 2021 अनुपालन

शिक्षक संघटनांचे म्हणणे आहे की, “या अतिरिक्त कामांमुळे शिक्षक हा विद्यार्थ्यांपासून दुरावला गेला आहे. परिणामी ग्रामीण भागातील जिल्हा परिषद शाळांची शैक्षणिक गुणवत्ता ढासळत चालली आहे.”

पालकांना आवाहन

आंदोलन यशस्वी करण्यासाठी शिक्षक संघटनांनी पालकांना विशेष आवाहन केले आहे. ज्या पालकांची मुले जिल्हा परिषद शाळेत शिकतात, त्यांनी ५ डिसेंबरपूर्वी आपापल्या शाळेतील मुख्याध्यापक किंवा शिक्षकांना भेटून परिस्थितीची गांभीरता समजावून घ्यावी, अशी विनंती करण्यात आली आहे.

“जिल्हा परिषद शाळा टिकल्या नाहीत तर ग्रामीण भागातील गरीब व दुर्गम भागातील मुलांचे शिक्षणाचे भविष्य धोक्यात येईल,” असे आवाहन संघटनांनी केले आहे.

केंद्रप्रमुख व मुख्याध्यापकांनाही सहभागाची विनंती

केंद्रप्रमुख, केंद्रीय मुख्याध्यापक यांनाही या आंदोलनात सक्रिय सहभाग घेण्याचे व सहकाऱ्यांना प्रोत्साहन देण्याचे आवाहन संघटनांनी केले आहे.

आयोजक

हे आंदोलन “सर्व शिक्षक संघटना समन्वय समिती, छत्रपती संभाजीनगर” व राज्यातील इतर प्रमुख शिक्षक संघटनांच्या संयुक्त विद्यमाने आयोजित करण्यात आले आहे.

५ डिसेंबर २०२५ या दिवशी छत्रपती संभाजीनगरसह संपूर्ण महाराष्ट्रातील लाखो जिल्हा परिषद प्राथमिक शाळा बंद राहणार असल्याने विद्यार्थ्यांच्या पालकांनी त्या दिवशी मुलांना शाळेत पाठवू नये, अशी सूचनाही शिक्षक संघटनांकडून देण्यात आली आहे.

न्यूज़ पेपर, टीवी व डिजिटल मीडिया वर बातमी व जाहिरात देण्यासाठी संपर्क करा. 9834985191. आपले हक्क आणि समस्यांच्या निराकरणासाठी आपल्या पंचक्रोशीतील मीडिया शी संपर्क करा, स्थानिक पातळीवर काम करणाऱ्या पत्रकारांना प्रोत्साहन द्या. तरच भ्रष्टाचार संपेल आणि भरभराटीचे दिवस येतील.

 ब्रेकिंग न्यूज, सरकारी व खासगी जॉब अपडेट, सरकारी योजना व इतर महत्त्वपूर्ण माहिती तुमच्या मित्र परिवारातील लोकांना मिळण्यासाठी आमचा 9834985191 हा नंबर तुमच्या गावातील व् इतर् WhatsApp गृपमध्ये ॲड करा.