पवनी (भंडारा):

भंडारा जिल्ह्यातील पवनी वनविभागांतर्गत येणाऱ्या धानोरी गावाजवळील धरणाच्या कालव्यात आज (दि. ९) सकाळी एक महाकाय वाघ जखमी अवस्थेत आढळून आल्याने परिसरात एकच खळबळ उडाली आहे. रस्ता ओलांडत असताना रात्रीच्या सुमारास एखाद्या अज्ञात वाहनाने जोरदार धडक दिल्याने वाघ गंभीर जखमी होऊन नहरात पडल्याचा प्राथमिक अंदाज व्यक्त करण्यात येत आहे. या अपघातात वाघाची कंबर तुटल्याची भीती व्यक्त केली जात असून त्याला तातडीने पुढील उपचारासाठी नागपूर येथे हलविण्यात आले आहे.

नेमकी घटना काय?

आज सकाळी ९ डिसेंबर २०२५ रोजी धानोरी शिवारातील ग्रामस्थांना आणि ये-जा करणाऱ्यांना धरणाच्या कालव्यात एक वाघ पडलेला दिसला. ही बातमी वाऱ्यासारखी पसरताच घटनास्थळी बघ्यांनी मोठी गर्दी केली. घटनेची माहिती मिळताच पवनी वनविभागाचे कर्मचारी, प्रादेशिक वन विभाग आणि पीआरटी (PRT) च्या टीमने तातडीने धाव घेतली.

वनविभाग आणि वन्यजीव रक्षक पथकाने पाहणी केली असता, हा अपघात रात्री घडल्याचे निदर्शनास आले. वाघ अन्नाच्या शोधात किंवा भ्रमंतीसाठी रस्ता ओलांडत असताना भरधाव वेगाने येणाऱ्या अज्ञात वाहनाने त्याला जबर धडक दिली असावी. या धडकेमुळे वाघ नहरात फेकला गेला. त्याची प्रकृती अत्यंत नाजूक असून, हालचालींवरून त्याची कंबर तुटली असण्याची शक्यता वर्तवली जात आहे.

चोरटी वाहतूक आणि शॉर्टकट मार्ग ठरतोय जीवघेणा

पवनी ते कोदुर्ली-सावरला हा रस्ता ब्रह्मपुरीकडे जाण्यासाठी 'शॉर्टकट' मानला जातो. त्यामुळे या मार्गावरून अनेक वाहने सुसाट वेगाने धावतात. तसेच या मार्गावरून रात्रीच्या वेळी मोठ्या प्रमाणात चोरटी वाहतूक होत असल्याची चर्चा आहे. या अवजड आणि वेगवान वाहनांमुळेच वन्यजीवांच्या जीवाला धोका निर्माण झाला आहे. यापूर्वीही अशा वेदनादायी घटना घडल्या आहेत.

वनधिकाऱ्यांनी लक्ष देण्याची गरज

जखमी वाघाला नहरातून बाहेर काढून वनविभागाच्या देखरेखीखाली नागपूरला उपचारासाठी रवाना करण्यात आले आहे. मात्र, या घटनेमुळे वन्यप्रेमींमध्ये संताप व्यक्त होत आहे. पवनी वनपरिक्षेत्र अधिकारी वृषाली नागदेवे यांनी या गंभीर बाबीकडे विशेष लक्ष द्यावे आणि वन्य प्राण्यांचे होणारे नुकसान थांबवण्यासाठी रात्रीच्या वाहतुकीवर कडक निर्बंध घालावेत, अशी मागणी जोर धरू लागली आहे.

रिपोर्ट:

सतीश खोब्रागडे

#Ad | स्पॉन्सर्ड

ही जाहिरात आहे | Sponsored by RightPost | IT Rules 2021 अनुपालन

#Ad | स्पॉन्सर्ड

ही जाहिरात आहे | Sponsored by RightPost | IT Rules 2021 अनुपालन

(वार्ताहर, राईट पोस्ट - पवनी तालुका)

न्यूज़ पेपर, टीवी व डिजिटल मीडिया वर बातमी व जाहिरात देण्यासाठी संपर्क करा. 9834985191. आपले हक्क आणि समस्यांच्या निराकरणासाठी आपल्या पंचक्रोशीतील मीडिया शी संपर्क करा, स्थानिक पातळीवर काम करणाऱ्या पत्रकारांना प्रोत्साहन द्या. तरच भ्रष्टाचार संपेल आणि भरभराटीचे दिवस येतील.

 ब्रेकिंग न्यूज, सरकारी व खासगी जॉब अपडेट, सरकारी योजना व इतर महत्त्वपूर्ण माहिती तुमच्या मित्र परिवारातील लोकांना मिळण्यासाठी आमचा 9834985191 हा नंबर तुमच्या गावातील व् इतर् WhatsApp गृपमध्ये ॲड करा.