खुलताबाद | प्रतिनिधी

खुलताबाद तालुक्यातील मौजे धामणगाव येथील गट क्र. १३ मधील सार्वजनिक वहिवाटीचा रस्ता अडवल्याचा प्रकार समोर आला आहे. या संदर्भात स्थानिक शेतकऱ्यांनी आणि ग्रामस्थांनी खुलताबाद तहसीलदारांना निवेदन दिले असून, रस्ता अडवल्याने गुंजाळ वस्ती व झुराळे वस्तीवरील ३० ते ४० कुटुंबांचा जीव धोक्यात आल्याची तक्रार केली आहे.

काय आहे तक्रार अर्जातील मजकूर?

तहसीलदारांना दिलेल्या निवेदनात ग्रामस्थांनी आरोप केला आहे की, गट क्र. १३ मधून जाणाऱ्या वहिवाटीच्या रस्त्यावर गावातील श्री. शेषराव कारभारी काटकर यांनी हा रस्ता आपल्या स्वमालकीचा असल्याचा दावा करत तो बंद केला आहे. संबंधित शेतकऱ्याने रस्त्यात दगड, काटेरी झाडे आणि मातीचे ढिगारे टाकून रस्ता अडवल्याने ये-जा करणे अशक्य झाल्याचे निवेदनात नमूद करण्यात आले आहे.

विद्यार्थी आणि शेतकऱ्यांचे हाल

ग्रामस्थांनी दिलेल्या माहितीनुसार, हा रस्ता वाडवडिलांच्या काळापासून वहिवाटीचा आहे. मात्र, सध्या रस्ता बंद असल्याने शेतकऱ्यांना आपली शेती अवजारे आणि साहित्य ने-आण करता येत नाही, त्यामुळे जमीन पडीक पडण्याची भीती व्यक्त होत आहे. तसेच, शाळकरी मुलांना शाळेत जाण्यासाठी रस्ता नसल्याने त्यांना लोकांच्या शेतातून, नाल्यातून आणि ओबडधोबड वाटेने जीव मुठीत धरून प्रवास करावा लागत आहे. यामुळे मुलांच्या जीवितास धोका निर्माण होण्याची शक्यता ग्रामस्थांनी वर्तवली आहे.

प्रशासनाकडे न्यायाची मागणी

रस्ता बंद झाल्यामुळे निर्माण झालेली कोंडी फोडण्यासाठी आणि शेतकऱ्यांची होणारी गैरसोय टाळण्यासाठी प्रशासनाने तात्काळ लक्ष घालून रस्ता मोकळा करून द्यावा, अशी मागणी निवेदनाद्वारे करण्यात आली आहे. प्रशासनाने दखल न घेतल्यास तीव्र नाराजी व्यक्त केली जात आहे.

निवेदनावर ग्रामस्थांच्या स्वाक्षऱ्या

या तक्रार अर्जावर संतोष रामचंद्र गुंजाळ, रफिक बशिर शेख, असलम शेख, मुनीर शेख, ज्ञानेश्वर कारभारी, तसेच धामणगाव येथील अनेक बाधित शेतकरी आणि ग्रामस्थांच्या स्वाक्षऱ्या आहेत.

न्यूज़ पेपर, टीवी व डिजिटल मीडिया वर बातमी व जाहिरात देण्यासाठी संपर्क करा. 9834985191. आपले हक्क आणि समस्यांच्या निराकरणासाठी आपल्या पंचक्रोशीतील मीडिया शी संपर्क करा, स्थानिक पातळीवर काम करणाऱ्या पत्रकारांना प्रोत्साहन द्या. तरच भ्रष्टाचार संपेल आणि भरभराटीचे दिवस येतील.

 ब्रेकिंग न्यूज, सरकारी व खासगी जॉब अपडेट, सरकारी योजना व इतर महत्त्वपूर्ण माहिती तुमच्या मित्र परिवारातील लोकांना मिळण्यासाठी आमचा 9834985191 हा नंबर तुमच्या गावातील व् इतर् WhatsApp गृपमध्ये ॲड करा.

#Ad | स्पॉन्सर्ड

ही जाहिरात आहे | Sponsored by RightPost | IT Rules 2021 अनुपालन

#Ad | स्पॉन्सर्ड

ही जाहिरात आहे | Sponsored by RightPost | IT Rules 2021 अनुपालन